പെരുമ്പാവൂര്‍: മലങ്കര ഓര്ത്തഡോക്സ് സുറിയാനി സഭാ മാനേജിംഗ്‌ കമ്മിറ്റി അംഗമായിരുന്ന ടി.എം വര്‍ഗീസിന്റെ വധം സംബന്ധിച്ച അന്വേഷണം സി.ബി.ഐ. എത്രയും വേഗം പൂര്‍‍ത്തിയാക്കി പ്രതികളെ കോടതി മുമ്പാകെ എത്തിയ്ക്കണമെന്നു് മലങ്കര ഓര്ത്തഡോക്സ് സുറിയാനി സഭയുടെ മഹാപ്രധാനആചാര്യനും പൗരസ്ത്യ കതോലിക്കോസുമായ മോറാന്‍ മോര്‍ ബസേലിയോസ് മാര്‍ത്തോമ ദിദിമോസ് പ്രഥമന്‍ ബാവ ജനുവരി 11നു് ആവശ്യപ്പെട്ടു. മലങ്കര ഓര്ത്തഡോക്സ് സുറിയാനി സഭാ മാനേജിംഗ്‌ കമ്മിറ്റി അംഗമായിരുന്ന ടി.എം വര്‍ഗീസിനെ നടുറോഡില്‍ വെട്ടിനുറുക്കിയതിനു് പിന്നില്‍ ആരാണെന്നു് എല്ലാവര്‍ക്കുമറിയാം. മലങ്കര സഭയുടെ വടക്കന്‍ ഭദ്രാസനങ്ങളുടെ ആഭിമുഖ്യത്തില്‍ മലങ്കര വര്‍ഗീസിന്റെ അനുസ്മരണസംഗമം ഉദ്ഘാടനം ചെയ്യുകയായിരുന്നു പരിശുദ്ധ പിതാവു്.
മലങ്കര വര്ഗീസ് വധവുമായി ബന്ധപ്പെട്ട പ്രതികളെ ആള്‍ബലവും സ്വാധീനവും ഉപയോഗിച്ച്‌ എക്കാലവും രക്ഷപ്പെടുത്താനാവില്ലെന്ന്‌ യോഗത്തില്‍ പ്രസംഗിച്ച സഭാനേതാക്കള്‍ പ്രസ്താവിച്ചു. നിയുക്ത കാതോലിക്ക പൌലോസ്‌ മാര്‍ മിലിത്തിയോസ്‌ മെത്രാപ്പോലിത്ത, കണ്ടനാടു് പടിഞ്ഞാറേ ഭദ്രാസനത്തിന്റെ മാത്യൂസ്‌ മാര്‍ സേവേറിയോസ്‌ മെത്രാപ്പോലിത്ത, കൊച്ചി ഭദ്രാസനത്തിന്റെ സഖറിയാസ്‌ മാര്‍ അന്തോണിയോസ്‌ മെത്രാപ്പോലിത്ത, സഭാ സെക്രട്ടറി ഡോ.ജോര്‍ജ്‌ ജോസഫ്‌, ഫാ.ഡോ.ജോണ്സ് അബ്രഹം കോനാട്ട്, സഭാ വര്‍ക്കിങ് കമ്മിറ്റിയംഗം ഫാ.ഏല്യാസ്‌ ചെറുകാട്‌, ആലുവ തൃക്കുന്നത്ത്‌ സെമിനാരി മാനേജര്‍ ഫാ.മത്തായി ഇടയനാല്‍ ഫാ. ബിജു ആന്‍ഡ്രൂസ് എന്നിവര്‍ യോഗത്തില്‍ പ്രസംഗിച്ചു. മലങ്കര വര്ഗീസ് ദാരുണമായി കൊലചെയ്യപ്പെട്ട്‌ വര്‍ഷങ്ങള്‍ പിന്നിട്ടിട്ടും അന്വേഷണം എങ്ങുമെത്തിയിട്ടില്ല. വാടക കൊലയാളികളാണ്‌ കൃത്യം നടത്തിയതെന്ന സൂചനകള്‍ ഉണ്ടായിട്ടും ഉത്തരവാദപ്പെട്ട ഉദ്യോഗസ്ഥര്‍ യഥാര്‍ത്ഥ കുറ്റവാളികളെ നിയമത്തിനു മുന്നില്‍ കൊണ്ടുവരുന്നതില്‍ പരാജയപ്പെട്ടു. കേരള ഹൈക്കോടതിയില്‍ കേസ്‌ ഫയല്‍ ചെയ്തതിനെതുടര്‍ന്നാണു് സി.ബി.ഐ അന്വേഷണം ഏറ്റെടുത്തതു്. സി.ബി.ഐ അന്വേഷണം ഇഴഞ്ഞു നീങ്ങുന്നതില്‍ ഉല്‍ക്കണ്ഠയുണ്ടെന്ന്‌ സഭാനേതാക്കള്‍ വ്യക്തമാക്കി
ഈ മാസം 25,26 തീയതികളില്‍ നടക്കുന്ന ആലുവ തൃക്കുന്നത്ത്‌ പള്ളിപ്പെരുന്നാളിന്‌ സര്‍‍ക്കാരും പോലീസും സ്വീകരിയ്ക്കുന്ന നടപടികള്‍ നിരീക്ഷിച്ച ശേഷം വരുന്ന തെരഞ്ഞെടുപ്പില്‍ സ്വീകരിയ്ക്കേണ്ട നിലപാടു് വ്യക്തമാക്കും. മലങ്കര ഓര്ത്തഡോക്സ് സുറിയാനി സഭയ്ക്ക്‌ ഒരു രാഷ്ട്രീയകക്ഷിയോടും ചായ്‌വുമില്ല. എന്നാല്‍ തങ്ങളെ നിരന്തരം ഉപദ്രവിയ്ക്കുന്ന സമീപനം അംഗീകരിയ്ക്കാനാവില്ല.തങ്ങള്‍ക്കെതിരെ പക്ഷപാതപരമായി പെരുമാറിയാല്‍ അതിന്റെ പ്രത്യാഘാതം വരുന്ന തെരഞ്ഞെടുപ്പില്‍ എല്‍.ഡി.എഫ്‌ സര്‍ക്കാര്‍ നേരിടേണ്ടിവരുമെന്ന്‌ ഓര്ത്തഡോക്സ് സഭ വ്യക്തമാക്കി
ഈ മാസം 25,26 തീയതികളില്‍ നടക്കുന്ന പെരുന്നാളിന്‌ തൃക്കുന്നത്ത്‌ പള്ളിയില്‍ യാക്കോബായ സുറിയാനി ക്രിസ്ത്യാനി സഭാമേലദ്ധ്യക്ഷന്മാര്‍ കര്‍മം ചെയ്യാന്‍ പ്രവേശിച്ചാല്‍ തടയുമെന്ന്‌ യോഗത്തില്‍ പങ്കെടുത്തവര്‍ പ്രതിജ്ഞ എടുത്തു. മലങ്കര സഭയുടെ പൊതുസ്വത്തായി 1880-ല്‍ സ്ഥാപിച്ച ആലുവ തൃക്കുന്നത്ത്‌ സെമിനാരിയുടെ കാര്യത്തില്‍ കേരള സര്‍ക്കാര്‍ പക്ഷപാതപരമായി പ്രവര്‍ത്തിയ്ക്കുകയാണെന്നാണ്‌ മലങ്കര ഓര്ത്തഡോക്സ് സുറിയാനി സഭ ഭയപ്പെടുന്നതു്.
ബലപ്രയോഗത്തിലൂടെയോ സമവായത്തിലൂടെയോ മലങ്കര ഓര്ത്തഡോക്സ് സുറിയാനി സഭയുടെ പള്ളികള്‍ കയ്യേറാനാണു് യാക്കോബായ സുറിയാനി ക്രിസ്ത്യാനി സഭ ശ്രമിയ്ക്കുന്നതെന്നു് അങ്കമാലി ഭദ്രാസനത്തിന്റെ ചുമതലയുള്ള നിയുക്ത കാതോലിക്ക പൌലോസ്‌ മാര്‍ മിലിത്തിയോസ്‌ മെത്രാപ്പോലിത്ത ചൂണ്ടിക്കാട്ടി.
രേഖയുണ്ടെങ്കില്‍ കോടതിയില്‍ നല്‍കട്ടെ: മലങ്കര സഭ
കോട്ടയം: അപ്രസക്തമായ ചില രേഖകള്‍ പ്രസിദ്ധപ്പെടുത്തി മലങ്കര സഭയുടെ ഉടമസ്ഥതയിലും കൈവശത്തിലും ഉപയോഗത്തിലുമിരിക്കുന്ന ആലുവ തൃക്കുന്നത്തു സെമിനാരിക്ക് അവകാശമുന്നയിക്കുന്നതും അവിടെ പ്രവേശിയ്ക്കുമെന്നു പറയുന്നതും നിയമവാഴ്ചയോടുള്ള വെല്ലുവിളിയാണെന്നും പ്രസക്ത രേഖകളുണ്ടെങ്കില്‍ അവ കോടതിയില്‍ സമര്‍പ്പിച്ചു നിവൃത്തി നേടുകയാണു വേണ്ടതെന്നും മലങ്കര ഓര്ത്തഡോക്സ് സഭാ വൈദിക ട്രസ്റ്റി ഫാ. ഡോ. ജോണ്സ് ഏബ്രഹാം കോനാട്ട് പ്രസ്താവിച്ചു
.തൃക്കുന്നത്തു സെമിനാരി അടക്കമുള്ള സഭാവക പള്ളികള്‍ക്കെല്ലാം 1934ലെ ഭരണഘടന ബാധകമാണെന്നു സുപ്രീം കോടതി വിധിച്ചിട്ടുണ്ട്. വിഘടിത വിഭാഗത്തിന്റെ സാമന്ത കാതോലിക്ക അങ്കമാലി, കൊച്ചി, കണ്ടനാട് ഭദ്രാസനങ്ങളിലെ പള്ളികളില്‍ പ്രവേശിക്കരുതെന്നു പള്ളിക്കോടതിയുടെയും ഹൈക്കോടതിയുടെയും ശാശ്വതനിരോധനം നിലനില്‍ക്കുകയാണ്. തൃക്കുന്നത്തു സെമിനാരി സംബന്ധിച്ചു് വിമത യാക്കോബായ വിഭാഗം ഇതുവരെ കൊടുത്ത കേസുകളിലെല്ലാം അവര്‍ പരാജിതരായി എന്ന സത്യം മറച്ചുവച്ചുകൊണ്ടു് നടത്തുന്ന കുപ്രാചരണം അവസാനിപ്പിക്കണം. അവര്‍ക്കു് അനുകൂലമായി എന്നെങ്കിലും കിട്ടിയ ഏതെങ്കിലും കോടതിവിധി കാണിച്ചാല്‍ അത് അനുസരിക്കാന്‍ മലങ്കര സഭ തയാറാണെന്നും ഫാ. കോനാട്ടച്ചന്‍ പറഞ്ഞു.
.തൃക്കുന്നത്തു സെമിനാരി അടക്കമുള്ള സഭാവക പള്ളികള്‍ക്കെല്ലാം 1934ലെ ഭരണഘടന ബാധകമാണെന്നു സുപ്രീം കോടതി വിധിച്ചിട്ടുണ്ട്. വിഘടിത വിഭാഗത്തിന്റെ സാമന്ത കാതോലിക്ക അങ്കമാലി, കൊച്ചി, കണ്ടനാട് ഭദ്രാസനങ്ങളിലെ പള്ളികളില്‍ പ്രവേശിക്കരുതെന്നു പള്ളിക്കോടതിയുടെയും ഹൈക്കോടതിയുടെയും ശാശ്വതനിരോധനം നിലനില്‍ക്കുകയാണ്. തൃക്കുന്നത്തു സെമിനാരി സംബന്ധിച്ചു് വിമത യാക്കോബായ വിഭാഗം ഇതുവരെ കൊടുത്ത കേസുകളിലെല്ലാം അവര്‍ പരാജിതരായി എന്ന സത്യം മറച്ചുവച്ചുകൊണ്ടു് നടത്തുന്ന കുപ്രാചരണം അവസാനിപ്പിക്കണം. അവര്‍ക്കു് അനുകൂലമായി എന്നെങ്കിലും കിട്ടിയ ഏതെങ്കിലും കോടതിവിധി കാണിച്ചാല്‍ അത് അനുസരിക്കാന്‍ മലങ്കര സഭ തയാറാണെന്നും ഫാ. കോനാട്ടച്ചന്‍ പറഞ്ഞു.
മലങ്കര വര്ഗീസ് അനുസ്‌മരണ സമ്മേളനം വിജയിപ്പിക്കണമെന്നു് പൗരസ്ത്യ ബാവാ
കോട്ടയം: മലങ്കര ഓര്ത്തഡോക്സ് സുറിയാനി സഭയ്‌ക്കുവേണ്ടി രക്തസാക്ഷിത്വം വരിച്ച തോബ്രായില്‍ ടി.എം. വര്‍ഗീസിന്റെ (മലങ്കര വര്ഗീസ്) സ്‌മരണാര്‍ഥം ജനുവരി 11 ഞായറാഴ്‌ച ഉച്ചകഴിഞ്ഞ്‌ 4 മണിക്ക്‌ പെരുമ്പാവൂര്‍ മുനിസിപ്പല്‍ സ്റ്റേഡിയത്തില്‍ നടത്തുന്ന പൊതുസമ്മേളനം വിജയിപ്പിക്കണമെന്ന്‌ മലങ്കര സഭയുടെ പരമാചാര്യന്‍ ബസേലിയോസ് മാര്‍ത്തോമ്മാ ദിദിമോസ് പ്രഥമന്‍ ബാവാ പള്ളികള്‍ക്ക്‌ അയച്ച കല്‌പനയില്‍ ആവശ്യപ്പെട്ടു.
ചിത്രം- തോബ്രായില്‍ ടി.എം. വര്ഗീസ് (മലങ്കര വര്ഗീസ്)
കോതമംഗലം ചെറിയപള്ളിയില്‍ പ്രാര്‍ത്ഥിക്കാന്‍ ചെന്നവരെ പ്രാര്‍ത്ഥനായജ്ഞക്കാര്‍ മര്‍ദ്ദിച്ച്‌ കള്ളക്കേകേസില്‍ കുടുക്കി
പിറവം: കോതമംഗലം മര്‍തോമന്‍ ചെറിയപള്ളിയില്‍ പ്രാര്‍ത്ഥിക്കാന്‍ ചെന്ന പിറവത്തുകാരായ അപ്പനും മകനും ബന്ധുവുമടക്കമുള്ളവരെ 2008 ഡി 16നു് പ്രാര്‍ത്ഥനായജ്ഞം നടത്തിക്കൊണ്ടിരുന്ന യാക്കോബായ സുറിയാനി ക്രിസ്ത്യാനി സഭക്കാര്‍ വളഞ്ഞുവച്ച്‌ മര്‍ദ്ദിക്കുകയും, പിന്നീട്‌ പോലീസിലേല്‌പിച്ച്‌ കള്ളക്കേസില്‍ കുടുക്കുകയും ചെയ്‌തതായി മുഖ്യമന്ത്രിക്കും ആഭ്യന്തരമന്ത്രിക്കും അവര്‍ പരാതി നല്‍കി. പിറവം കൊമ്പനാല്‍ വര്ഗീസ് (60), മകന്‍ ജിജോ (25) ബന്ധു സിജോ മലയില്‍ (24) പ്ലാക്കാട്ടുകുഴിയില്‍ സാബു (26) എന്നിവര്‍ക്കാണ്‌ മര്‍ദ്ദനമേറ്റത്‌.
അവശനിലയിലായ നാല്‌ പേരും പിറവം ഗവ. ആശുപത്രിയില്‍ ചികിത്സയിലാണ്‌. സംഭവം സംബന്ധിച്ച്‌ ഇവര്‍ മുഖ്യമന്ത്രിക്കും ആഭ്യന്തരമന്ത്രിക്കും ഡി 17-നു് പരാതി നല്‍കി.
ലോറിയ്‌ക്ക്‌ വായ്‌പ എടുക്കാന്‍ കോതമംഗലത്തെ സ്വകാര്യ പണമിടപാട്‌ സ്ഥാപനത്തില്‍ പോയ തങ്ങള്‍ യാദൃച്ഛികമായാണ്‌ പള്ളിയില്‍ പ്രാര്‍ത്ഥനക്ക്‌ പോയതെന്ന്‌ അവര്‍ പറഞ്ഞു.
തിരി കത്തിച്ച്‌ പ്രാര്‍ത്ഥിച്ചു മടങ്ങുന്നതിനിടെ ഒരു സംഘമാളുകളെത്തി ചോദ്യം ചെയ്‌ത്‌ മര്‍ദ്ദിക്കുകയായിരുന്നുവെന്ന്‌ അവര്‍ പറഞ്ഞു. . ചെറിയ പള്ളിയില്‍ നടന്ന യാക്കോബായ സുറിയാനി ക്രിസ്ത്യാനി
സഭയുടെ പ്രാര്‍ത്ഥനായജ്ഞം അലങ്കോലപ്പെടുത്താന്‍ എത്തിയ ഓര്ത്തഡോക്സ് സഭക്കാരാണെന്ന്‌ ആരോപിച്ചായിരുന്നു മര്‍ദ്ദനമെന്ന്‌ അവര്‍ പറഞ്ഞു. മര്‍ദ്ദനമേറ്റ്‌ അവശരായ തങ്ങളെ പുരോഹിതരെത്തി രക്ഷിച്ച്‌ ഒരു മുറിയിലേയ്‌ക്ക്‌ മാറ്റിയെങ്കിലും പിന്നീട്‌ പോലീസിലേല്‌പിക്കുകയായിരുന്നു.
സ്വകാര്യ പണമിടപാട്‌ സ്ഥാപനത്തിന്റെ ഉടമ പോലീസുമായി ബന്ധപ്പെട്ട്‌ സത്യാവസ്ഥ അറിയിച്ചെങ്കിലും കേസെടുത്തശേഷമാണ്‌ ജാമ്യത്തില്‍ വിട്ടത്‌. തങ്ങളുടെ കാറില്‍ നിന്നും കമ്പിവടിയും മറ്റും കണ്ടെടുത്തുവെന്ന്‌ പറയുന്നത്‌ ആസൂത്രിതമാണെന്നും പരാതിയില്‍ ആരോപിക്കുന്നു.
അന്ത്യോക്യന്‍ പക്ഷം അക്രമം അഴിച്ചുവിടുന്നു - നിയുക്ത കാതോലിക്ക
പിറവം, 2008 ഡി 15: മലങ്കരയിലെ പള്ളികള്‍ സംബന്ധിച്ച കേസുകളില്‍ കോടതിവിധി തങ്ങള്‍ക്ക്‌ എതിരാവുകയോ എതിരാകുമെന്ന്‌ ധാരണയുണ്ടാകുകയോ ചെയ്‌താല്‍ അന്ത്യോക്യന്‍ യാക്കോബായ സുറിയാനി ക്രിസ്ത്യാനി സഭാപക്ഷം അക്രമം അഴിച്ചുവിടുന്നത്‌ പതിവായിരിക്കുകയാണെന്ന്‌ മലങ്കര സുറിയാനി ഓര്ത്തഡോക്സ് സഭയുടെ നിയുക്ത കാതോലിക്ക പൗലോസ്‌ മാര്‍ മിലിത്തിയോസ്‌ പറഞ്ഞു. പാമ്പാക്കുടയില്‍ കരോള്‍ സംഘത്തിനു നേരെയുണ്ടായ അതിക്രമത്തില്‍ പ്രതിഷേധിച്ച്‌ പിറവം വലിയ പള്ളിത്താഴത്ത്‌ കൂടിയ യോഗം ഉദ്ഘാടനം ചെയ്യുകയായിരുന്നു നിയുക്ത ബാവ.
അക്രമംകൊണ്ട്‌ സഭ തളരുകയില്ലെന്നും വ്യവസ്ഥാപിത മാര്‍ഗങ്ങളിലൂടെ സഭ നേരിടുമെന്നും അദ്ദേഹം പറഞ്ഞു.
സഭാപരമായി യാതൊരു തര്‍ക്കമോ, പ്രശ്‌നങ്ങളോ നിലവിലില്ലാത്ത പാമ്പാക്കുടയില്‍ വന്ന്‌ കരോള്‍ സംഘത്തെ മര്‍ദ്ദിച്ചത്‌ ക്രൈസ്‌തവ പാരമ്പര്യത്തിന്‌ നിരക്കുന്നതല്ലെന്ന്‌ ബാവ ചൂണ്ടിക്കാട്ടി. യാതൊരു പ്രകോപനവുമില്ലാതെ കരോള്‍സംഘത്തെ റോഡിലൂടെ വലിച്ചിഴച്ച്‌ മര്‍ദ്ദിച്ചവരെ ഉടനടി അറസ്റ്റ്‌ ചെയ്യണമെന്നും അല്ലാത്തപക്ഷം ഓര്ത്തഡോക്സ് സഭയുടെ മെത്രാന്മാരടങ്ങുന്ന സംഘം രാമമംഗലം പോലീസ്‌സ്റ്റേഷനു മുന്നില്‍ ഉപവാസപ്രാര്‍ത്ഥന നടത്തുമെന്നും അദ്ദേഹം മുന്നറിയിപ്പ്‌ നല്‍കി. യോഗത്തില്‍ മാത്യൂസ്‌ മാര്‍ സേവേറിയോസ്‌ മെത്രാപ്പോലീത്ത അധ്യക്ഷനായി. ഡോ. തോമസ്‌ മാര്‍ അത്തനാസിയോസ്‌ മെത്രാപ്പോലീത്ത, സഭാ സെക്രട്ടറി ഡോ. ജോര്‍ജ്‌ ജോസഫ്‌, വൈദിക ട്രസ്റ്റി ഫാ. ഡോ. ജോണ്സ് എബ്രഹാം കോനാട്ട്, ഗ്രാമപഞ്ചായത്ത്‌ പ്രസിഡന്റ്‌ പി.പി. സുധാദേവി, ചിറക്കടക്കുന്നേല്‍ ജോണ്‍ കോര്‍ എപ്പിസ്‌കോപ്പ, ജോര്‍ജ്‌ കുട്ടിപോള്‍, എ.പി. ജോര്‍ജ്‌, ജിനു സി. ചാണ്ടി, ബേബി കുന്നുമ്മേല്‍ തുടങ്ങിയവരും ഒട്ടേറെ വിശ്വാസികളും പങ്കെടുത്തു.
പാമ്പാക്കുടയില്‍ കരോള്‍ സംഘത്തിന്‌ നേരെ ആക്രമണം
പിറവം: 2008 ഡി 14 ഞായറാഴ്‌ച രാത്രി പന്ത്രണ്ടരയോടെപാമ്പാക്കുടയില്‍ ഓര്ത്തഡോക്സ് കരോള്‍ സംഘത്തിനുനേരെ അന്ത്യോക്യന്‍ യാക്കോബായ സുറിയാനി ക്രിസ്ത്യാനി സഭക്കാര്‍ നടത്തിയ ആക്രമണത്തില്‍ മൂന്നുപേര്‍ക്ക്‌ പരിക്കേറ്റു. ഗുരുതരമായി പരിക്കേറ്റ പാമ്പാക്കുട കുന്നുംപുറത്ത്‌ ജോമോന്‍ (27), കോലഞ്ചേരി മെഡിക്കല്‍ കോളേജ്‌ ആസ്‌പത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്‌. ജോബി കെ. ജോര്‍ജ്‌, കിഴക്കേ വേലിക്കകത്ത്‌, പാമ്പാക്കുട, ലിജോ കെ. ജോസ്‌, കണ്ടത്തില്‍ പുത്തന്‍പുരയില്‍ പാമ്പാക്കുട എന്നിവരാണ്‌ കോലഞ്ചേരിയില്‍ ചികിത്സയിലുള്ള മറ്റ്‌ രണ്ടുപേര്‍.
സംഭവത്തില്‍ പ്രതിഷേധിച്ച്‌ പാമ്പാക്കുടയില്‍ ഹര്‍ത്താല്‍ നടത്തി.
ഡി 14 ഞായറാഴ്‌ച രാത്രി പന്ത്രണ്ടരയോടെ കരോള്‍ കഴിഞ്ഞ്‌ പാമ്പാക്കുട വലിയ പള്ളിയില്‍ തിരിച്ചെത്തിയ കുട്ടികളും യുവാക്കളുമടങ്ങുന്ന സംഘം മടങ്ങിപ്പോകുന്നതിനിടയില്‍ പള്ളിത്താഴത്തുള്ള ഫ്‌ളക്‌സ്‌ബോര്‍ഡുകള്‍ (മാമ്മലശ്ശേരി മാര്‍ മിഖായേല്‍ പള്ളി വികാരി ചിറക്കടക്കുന്നേല്‍ ജോണ്‍ കോറെപ്പിസ്‌കോപ്പയുടെ സപ്‌തതിയാഘോഷങ്ങള്‍ക്ക്‌ മുന്നോടിയായി സ്ഥാപിച്ചിരിക്കുന്ന ഫ്‌ളക്‌സ്‌ബോര്‍ഡുകള്‍) മറ്റൊരുകൂട്ടര്‍ നശിപ്പിക്കുന്നതിനെ ചോദ്യംചെയ്‌തതിനെത്തുടര്‍ന്നാണ്‌ ഇവര്‍ക്കുനേരെ ആക്രമണമുണ്ടായത്‌. പിറവം, മാമ്മലശ്ശേരി ഭാഗങ്ങളില്‍നിന്നും ചുവന്ന ഓമ്‌നി വാനിലും ബൈക്കുകളിലുമായെത്തിയ മറുഭാഗക്കാരാണ്‌ കരോള്‍സംഘത്തെ ആക്രമിച്ചതെന്ന്‌ സഭാ വൈദിക ട്രസ്റ്റി ഫാ. ഡോ. ജോണ്സ് എബ്രഹാം കോനാട്ട് പറഞ്ഞു. മുത്തുക്കുടയുടെ കാലുകള്‍ ഉപയോഗിച്ചായിരുന്നു മര്‍ദനമെന്നും അദ്ദേഹം പറഞ്ഞു.
ഞായറാഴ്‌ച രാവിലെയും രാത്രിയുമായി മാമ്മലശ്ശേരിയിലുണ്ടായ സംഭവങ്ങളുടെ തുടര്‍ച്ചയായാണ്‌ പാമ്പാക്കുടയില്‍ അക്രമമുണ്ടായതെന്ന്‌ കരുതുന്നതായി എസ്‌.ഐ. പി.എ. ഷെരീഫ്‌പറഞ്ഞു. പരിക്കേറ്റവരുടെ മൊഴിയുടെ അടിസ്ഥാനത്തില്‍ 25 പേര്‍ക്കെതിരെ കേസെടുത്തിട്ടുണ്ടെന്നും എസ്‌.ഐ. പറഞ്ഞു.
സഭാ തര്‍ക്കം: മാമ്മലശ്ശേരി പള്ളിയില്‍ സംഘട്ടനം 5 ഓര്ത്തഡോക്സ് സഭാംഗങ്ങള്‍‍ക്കു് പരിക്ക്‌
പിറവം: കൈലേലി ചാപ്പലില്‍ നിന്നും വന്ന അന്ത്യോക്യന്‍ യാക്കോബായ സുറിയാനി ക്രിസ്ത്യാനി സഭക്കാര്‍ 2008 ഡി 14 ഞായറാഴ്‌ച രാവിലെ കുര്‍ബാന കഴിഞ്ഞ സമയത്തു് മാമ്മലശ്ശേരി മാര്‍ മിഖായേല്‍ പള്ളിയുടെ മുറ്റത്ത്‌ നടത്തിയ അക്രമത്തില്‍ ഓര്ത്തഡോക്സ് സഭാംഗങ്ങളായ അഞ്ചുപേരെ രാമമംഗലം ഗവ. ആസ്‌പത്രിയില്‍ പ്രവേശിപ്പിച്ചു . അന്ത്യോക്യന്‍ യാക്കോബായ സുറിയാനി ക്രിസ്ത്യാനി സഭ 25ന്‌ മാമ്മലശ്ശേരി കാവുങ്കടയില്‍ നടത്തുന്ന ക്രിസ്‌മസ്‌നൈറ്റ്‌ പരിപാടിയുടെ നോട്ടീസ്‌ ബലമായി വിതരണത്തിനു കൈലേലി ചാപ്പലില്‍ നിന്നും വന്ന അന്ത്യോക്യന്‍ യാക്കോബായ സുറിയാനി ക്രിസ്ത്യാനി സഭക്കാര്‍ ശ്രമിച്ചതാണു് സംഭവത്തിന്റെ തുടക്കം.
കൈലേലി ചാപ്പലില്‍ നിന്നും കുര്‍ബാന കഴിഞ്ഞെത്തിയ അന്ത്യോക്യന്‍ യാക്കോബായ സുറിയാനി ക്രിസ്ത്യാനി സഭക്കാര്‍ മാമ്മലശ്ശേരി മാര്‍ മിഖായേല്‍ പള്ളിയില്‍ നോട്ടീസ്‌ നിര്‍ബന്ധിച്ച്‌ വായിപ്പിക്കാന്‍ ശ്രമിച്ച്‌ മനഃപൂര്‍വ്വം കുഴപ്പമുണ്ടാക്കുകയാണുണ്ടായതെന്ന്‌ വികാരി ചിറക്കടക്കുന്നേല്‍ ജോണ്‍ കോറെപ്പിസ്‌കോപ്പ പറഞ്ഞു.
ഓര്ത്തഡോക്സ് സഭക്കാരായ പി.പി.ബൈജു പെരിയപ്ലാക്കില്‍ മാമ്മലശ്ശേരി, സാജു .കെ.പീറ്റര്‍ കപ്യാരട്ടേല്‍, ടി.സി.ബാബു തെങ്ങുംതോട്ടത്തില്‍, ജോബിപോള്‍ കൊച്ചാങ്കുടിയില്‍, ടി.ടി.രാജു താമരശ്ശേരില്‍ എന്നിവരാണ്‌ പരിക്കേറ്റു് ആശുപത്രിയിലുള്ളത്‌. കൈലേലി ചാപ്പലില്‍ നിന്നും വന്ന 6 അന്ത്യോക്യന്‍ യാക്കോബായ സുറിയാനി ക്രിസ്ത്യാനി സഭക്കാരും പള്ളിമുറ്റത്ത്‌ നടന്ന സംഘട്ടനത്തില്‍ പരിക്കേറ്റെന്നു് അവകാശപ്പെട്ടു് ആശുപത്രിയിലായി.
സംഘട്ടനവിവരമറിഞ്ഞ്‌ രാമമംഗലം എസ്‌.ഐ പി.എ.ഷെരീഫിന്റെ നേതൃത്വത്തില്‍ പോലീസ്‌ പള്ളിയിലെത്തി സ്ഥിതിഗതികള്‍ നിയന്ത്രണാധീനമാക്കി. അതിനിടെ മൂവാറ്റുപുഴ ഡി വൈ എസ്‌ പി എന്‍.സുധീഷ്‌, സി.ഐ.ബിജു കെ.സ്റ്റീഫന്‍, പിറവം എസ്‌.ഐ പി.കെ.ജോണ്‍, പുത്തന്‍കുരിശ്‌ എസ്‌ ഐ വി.ടി.ഷാജന്‍ എന്നിവരുടെ നേതൃത്വത്തില്‍ കൂടുതല്‍ പോലീസ്‌ സംഘം പള്ളിയിലെത്തി. ഇരുകൂട്ടര്‍ക്കുമെതിരെ പോലീസ്‌ കേസെടുത്തു.
അന്നു് (ഞായറാഴ്‌ച) രാത്രി എട്ടരമണിയോടെ വിജന സ്ഥലത്തു് കാര്‍ തടഞ്ഞ്‌ തന്നെ ഭീഷണിപ്പെടുത്തി അസഭ്യം പറഞ്ഞുവെന്നും കാര്‍ അടിച്ചും കല്ലെറിഞ്ഞും തകര്‍ത്തുവെന്നും പറഞ്ഞു് യാക്കോബായ സുറിയാനി ക്രിസ്ത്യാനി സഭാ വിഭാഗത്തിന്റെ അധീനതയിലുള്ള കൈലേലി ചാപ്പല്‍ വികാരി ഫാ. വര്ഗീസ് പുല്ല്യാട്ടേല്‍ ആരക്കുന്നം എ.പി. വര്‍ക്കി മിഷന്‍ ആശുപത്രിയില്‍ പ്രവേശിച്ചു. “വിവരമറിഞ്ഞ്‌ ” രാമമംഗലം എസ്‌.ഐ പി.എ.ഷെരീഫിന്റെ നേതൃത്വത്തില്‍ പോലീസ്‌ സ്ഥലത്തെത്തി. സംഭവസ്ഥലം വിജനമായിരുന്നുവെന്നും പുല്ല്യാട്ടേലിന്റെ പച്ച മാരുതി കാര്‍ പിന്നിലെ ചില്ല്‌ തകര്‍ത്ത നിലയില്‍ റോഡരികില്‍ കാണപ്പെട്ടുവെന്നും രാമമംഗലം എസ്‌.ഐ പറഞ്ഞു
മൂന്ന്‌പതിറ്റാണ്ടിലേറെയായി കോടതി നിയോഗിച്ച റിസീവറാണ്‌ മാമ്മലശ്ശേരി മാര്‍ മിഖായേല്‍ പള്ളിയുടെ ഭരണകാര്യങ്ങള്‍ നിര്‍വഹിക്കുന്നത്‌. കുര്‍ബാനയര്‍‍പ്പിച്ചുകൊണ്ടിരിയ്ക്കുന്നതു് ഓര്ത്തഡോക്സ് സഭയിലെപ്രമുഖ വൈദീകന്‍ കൂടിയായ വികാരി ചിറക്കടക്കുന്നേല്‍ ജോണ്‍ കോറെപ്പിസ്‌കോപ്പയാണു് .
Subscribe to:
Posts (Atom)