ഈ ലേഖയില്‍‍ തിരയുക

മാര്‍ സേവേറിയോസ് മോശ ഗോര്‍ഗുന്‍ മെത്രാപ്പോലീത്തയുടെ അഭിഷേകം (വീഡിയോ)




മുന്‍ ലേഖനം: മാര്‍ സേവേറിയോസ് മൂശ ഗോര്‍ഗുന്‍ യൂറോപ്യന്‍ സുറിയാനി ഓര്‍ത്തഡോക്സ് സഭയുടെ മെത്രാപ്പോലീത്ത

മെത്രാന്‍‍വാഴ്ച വിവാദത്തിനു് ശുഭാന്ത്യം - അല്‍‍മായവേദി വാര്‍ത്താ മാസിക‍‍‍(പിഡിഎഫ് ഫയല്‍‍ ) ഇവിടെ..

പ്രസ്താവനായുദ്ധം തിരിച്ചടിയ്ക്കുന്നു - അല്‍‍മായവേദി വാര്‍ത്താബുള്ളറ്റിന്‍‍‍‍(പിഡിഎഫ് ഫയല്‍‍ ) ഇവിടെ..

മെത്രാന്‍‍വാഴ്ചയും മനോരമയിലെ പരാതിയും - അല്‍‍മായവേദി വാര്‍ത്താബുള്ളറ്റിന്‍‍‍‍(പിഡിഎഫ് ഫയല്‍‍ ) ഇവിടെ..

ഡോ.ഡി.ബാബുപോള്‍‍ ഐ എ എസ് (റിട്ട.) ജര്‍മന്‍‍ മെത്രാപ്പോലീത്തയുടെ അഭിഷേകത്തെ പിന്തുണയ്ക്കുന്നു പ്രദക്ഷിണം മാസിക അഭിമുഖം (പിഡിഎഫ് ഫയല്‍‍ )

ജര്‍മന്‍‍ മെത്രാപ്പോലീത്തയുടെ അഭിഷേകം : പരാതി സുന്നഹദോസ് തള്ളി.അല്‍‍മായവേദി വാര്‍ത്താബുള്ളറ്റിന്‍‍‍‍(പിഡിഎഫ് ഫയല്‍‍ ) ഇവിടെ..

ശവസംസ്കാരം തടയാന്‍ എതിര്‍ സഭക്കാര്‍ ശ്രമിച്ചതു് മൂലം ഓര്‍ത്തഡോക്സ് പള്ളിയില്‍ സംഘര്‍ഷം

മാന്ദാമംഗലം (തൃശൂര്‍): ഓര്‍ത്തഡോക്സ് വിശ്വാസിയുടെ മൃതദേഹം സംസ്കരിയ്ക്കുന്നതിനെ യാക്കോബായ സുറിയാനി ക്രിസ്ത്യാനി സഭക്കാര്‍ തടയാന്‍ ശ്രമിച്ചതു് ജനുവരി 20-നു് തൃശൂര്‍ മാന്ദാമംഗലം സെന്റ് മേരീസ് ഓര്‍ത്തഡോക്സ് സുറിയാനി പള്ളിയില്‍ സംഘര്‍ഷാവസ്ഥ സൃഷ്ടിച്ചു. ഒടുവില്‍ പോലിസ് ഇടപെടലിനെത്തുടര്‍ന്നാണു് സംസ്കാരം നടത്തിയതു്. തലേ ദിവസം നിര്യാതനായ മുണ്ടശേരിയില്‍ വര്‍ക്കിയുടെ (91) സംസ്കാരം സംബന്ധിച്ചായിരുന്നു തര്‍ക്കം.

മാന്ദാമംഗലം സെന്റ് മേരീസ് ഓര്‍ത്തഡോക്സ് പള്ളിയില്‍ പ്രവേശിയ്ക്കാനും സഭാപരമായ ചടങ്ങുകള്‍ നടത്താനും കഴിഞ്ഞ 14-നു് ഉണ്ടായ കോടതിവിധി ഓര്‍ത്തഡോക്സ് സഭക്കാര്‍ക്കു് അനുവാദം കൊടുത്തിട്ടുള്ളതാണു്. പക്ഷെ, 1995-ലെ സുപ്രീം കോടതിവിധി അംഗീകരിയ്ക്കാത്തവരുടേതായ 2002-ല്‍ സ്ഥാപിതമായ യാക്കോബായ സുറിയാനി ക്രിസ്ത്യാനി സഭ, മാന്ദാമംഗലം സെന്റ് മേരീസ് ഓര്‍ത്തഡോക്സ് പള്ളിയുടെ നിയന്ത്രണം പിടിച്ചിരിയ്ക്കുന്നതാണു് പ്രശ്നം.

മുണ്ടശേരിയില്‍ വര്‍ക്കിയുടെ മൃതദേഹം സെന്റ് മേരീസ് പള്ളി സെമിത്തേരിയില്‍ അടക്കം ചെയ്യണമെന്ന ആവശ്യത്തില്‍ വര്‍ക്കിയുടെ മകനും ഓര്‍ത്തഡോക്സ് സഭയും ഉറച്ചു് നിന്നപ്പോള്‍ ജനുവരി 20-നു് രാവിലെ ആര്‍.ഡി.ഒയുടെ സാന്നിധ്യത്തില്‍ ഇരുവിഭാഗവും ചര്‍ച്ച നടത്തി പള്ളി സെമിത്തേരിയില്‍ തന്നെ അടക്കം ചെയ്യാന്‍ ധാരണയായി.
എന്നാല്‍, പള്ളിസെമിത്തേരിയില്‍ ശവക്കുഴി എടുക്കാന്‍ പ്രവേശിച്ചപ്പോള്‍‍ യാക്കോബായ സുറിയാനി ക്രിസ്ത്യാനി സഭക്കാര്‍ പ്രതിഷേധവുമായി രംഗത്തെത്തി. തുടര്‍ന്നു്, സി.ഐ. രാമചന്ദ്രന്‍ യാക്കോബായ സുറിയാനി ക്രിസ്ത്യാനി സഭയുടെ വികാരിയുമായി ചര്‍ച്ച ചെയ്തു് ധാരണയുണ്ടാക്കി.
മൃതദേഹം കൊണ്ടുവന്നതോടെ യാക്കോബായ സുറിയാനി ക്രിസ്ത്യാനി സഭക്കാര്‍ പള്ളിയിലേയ്ക്കു് തള്ളിക്കയറി ചടങ്ങിനെത്തിയവരോടു് പിരിഞ്ഞു് പോകാന്‍ ആവശ്യപ്പെട്ടു. ഇതു് ക്യാമറയില്‍ പകര്‍ത്തിയ പത്രപ്രവര്‍ത്തകരെ തീവ്രവാദികളായ യാക്കോബായ സുറിയാനി ക്രിസ്ത്യാനി സഭക്കാര്‍ ആക്രമിയ്ക്കാന്‍ മുതിര്‍ന്നു. വൈദികരും പോലിസും ഇവരെ ഏറെ പണിപ്പെട്ടു് നിയന്ത്രിച്ചാണു് സംസ്കാരം നടത്തിയതു്.
മാന്ദാമംഗലം സെന്റ് മേരീസ് ഓര്‍ത്തഡോക്സ് സുറിയാനി പള്ളി തൃശൂര്‍ ഭദ്രാസന മെത്രാപ്പോലീത്ത യൂഹാനോന്‍ മാര്‍ മിലിത്തോസിന്റെ കീഴില്‍ പെട്ടിട്ടുള്ളതാണു്.
(സഭാതര്‍ക്കത്തിലെ കക്ഷികളെന്നനിലയില്‍ യാക്കോബായ സുറിയാനി ക്രിസ്ത്യാനി സഭയെ അന്ത്യോക്യാ പാത്രിയാര്‍ക്കീസ് ബാവാവിഭാഗമെന്നും ഓര്‍ത്തഡോക്സ് സഭയെ പൗരസ്ത്യ കാതോലിക്കോസ് ബാവാവിഭാഗമെന്നും വിളിയ്ക്കാറുണ്ടു്. എതിര്‍ കക്ഷിയെ ഇരുകൂട്ടരും അന്യോന്യം മെത്രാന്‍ കക്ഷിയെന്നു് ആക്ഷേപിച്ചു് വിളിയ്ക്കും. യഥാര്‍‍ത്ഥ ബാവാക്കക്ഷി തങ്ങളാണെന്നു് ഇരുകൂട്ടരും അവകാശപ്പെടുന്നു. നേരത്തെ (പത്തൊമ്പതാം നൂറ്റാണ്ടില്‍‍‍) നവീകരണ മാര്‍ത്തോമ്മാ സഭക്കാരെയാണു് മെത്രാന്‍ കക്ഷിയെന്നു് വിളിച്ചിരുന്നതു്.)

അതിക്രമിച്ചു് കയറിയ വിമത മെത്രാനെ തടഞ്ഞ സഭാ മാനേജിങ് സമിതിയംഗത്തെ മര്‍ദ്ദിച്ചു

പിറവം: പിറവം വലിയ പള്ളിയില്‍ (സെന്റ് മേരീസ് ഓര്‍ത്തഡോക്സ് സുറിയാനി പള്ളി) ജനുവരി 20 ഞായറാഴ്ച വൈകീട്ടു് വിലക്കുകള്‍ വകവെയ്ക്കാതെ ശവസംസ്കാര ചടങ്ങില്‍ പങ്കെടുക്കാനെന്നപേരില്‍ അനധികൃതമായി പ്രവേശിയ്ക്കാന്‍ ശ്രമിച്ച വിമത യാക്കോബായ സുറിയാനി ക്രിസ്ത്യാനി സഭയുടെ അന്ത്യോക്യാ സത്യവിശ്വാസ സംരക്ഷണസമിതി പ്രസിഡണ്ട് ഏലിയാസ് മോര്‍ അത്താനാസിയോസ് മെത്രാനെ ഓര്‍ത്തഡോക്സ് വിശ്വാസികള്‍ തടഞ്ഞതു് സംഘര്‍ഷത്തില്‍ കലാശിച്ചു. മര്‍ദനമേറ്റ ഓര്‍ത്തഡോക്സ് സഭാ മാനേജിങ് സമിതിയംഗം പിറവം തേക്കുംമൂട്ടില്‍ ടി.ടി. ജോയിയെ പിറവം ഗവ. ആസ്പത്രിയില്‍ പ്രവേശിപ്പിച്ചു.

സംഭവത്തില്‍ പിറവം യാക്കോബായ യൂത്ത് അസോസിയേഷനംഗങ്ങളായ മൂന്നു്പേരെ പോലീസ് അറസ്റ്റുചെയ്തു. ഇവര്‍ പിന്നീടു് ജാമ്യത്തില്‍ പറത്തിറങ്ങി‍.
പ്രതിഷേധം

അതിക്രമ സംഭവത്തില്‍ നീതി ആവശ്യപ്പെട്ടു് ഓര്‍ത്തഡോക്സ് സഭാ വിശ്വാസികള്‍ പ്രതിഷേധ ജാഥ നടത്തി. തുടര്‍‍ന്നു് പിറവം പഴയ ബസ് സ്റ്റാന്‍ഡ് കവലയില്‍ കൂടിയ പ്രതിഷേധ യോഗത്തില്‍ പിറവം വലിയപള്ളിയുടെ മേല്പട്ടക്കാരനായ കണ്ടനാട് ഈസ്റ്റ് ഭദ്രാസനാധിപന്‍ ഡോ. തോമസ് മാര്‍ അത്താനാസിയോസ് മെത്രാപ്പോലീത്ത അധ്യക്ഷ്യം വഹിച്ചു. അമേരിക്കന്‍ ഭദ്രാസനത്തിന്റെ സക്കറിയ മാര്‍ നിക്കോളാവോസ് മെത്രാപ്പോലീത്ത, സഭാ വൈദിക ട്രസ്റ്റി ജോണ്‍സ് എബ്രഹാം കോനാട്ട് കത്തനാര്‍,സഭാ വര്‍ക്കിങ് കമ്മിറ്റിയംഗം ഏലിയാസ് ചെറുകാടു് കത്തനാര്‍,ഈസ്റ്റ് ഭദ്രാസനചാന്‍സലര്‍ അബ്രഹാം കാരാമ്മേല്‍ കത്തനാര്‍, ജെയിംസ് മര്‍ക്കോസ് കത്തനാര്‍, മാനേജിങ് സമിതിയംഗങ്ങളായ ബോസ് എബ്രഹാം, സാജു മടക്കാലില്‍, പി. തോമസ് എന്നിവര്‍ പ്രസംഗിച്ചു. മെത്രാന്മാരുടെ ഒത്താശയോടെ ഒരു വിഭാഗം നടത്തുന്ന അക്രമങ്ങള്‍ ഇനിയും വകവെച്ചു കൊടുക്കാനാവില്ലെന്നും സഭ ഇതിനെ ശക്തമായി നേരിടുമെന്നും യോഗം മുന്നറിയിപ്പു് നല്‍കി.

തൃക്കുന്നത്തു സെമിനാരി - സമാധാനാന്തരീക്ഷം തകര്‍ക്കരുത് : ഓര്‍ത്തഡോക്സ് സഭ

നീതി നടപ്പാകണം
ദേവലോകം: ആലുവ തൃക്കുന്നത്തു് സെമിനാരിയില്‍ അതിക്രമിച്ചു്കയറി സമാധാനാന്തരീക്ഷം തകര്‍ക്കരുതെന്നു് യാക്കോബായ സുറിയാനി ക്രിസ്ത്യാനി സഭയോടു് മലങ്കര ഓര്‍ത്തഡോക്സ് സഭ അഭ്യര്‍ത്ഥിച്ചു. ആലുവാ തൃക്കുന്നത്തു് സെമിനാരി, ഇടവകപ്പള്ളി അല്ലെന്നും ഓര്‍ത്തഡോക്സ് സഭയുടെ അങ്കമാലി ഭദ്രാസന ആസ്‌ഥാനമാണെന്നും അതു് ഇടവക മെത്രാപ്പോലീത്തായുടെ പൂര്‍ണ അധികാരത്തിന്‍കീഴില്‍ 1934-ലെ ഭരണഘടന പ്രകാരം ഭരിക്കപ്പെടേണ്ടതാണെന്നുമുള്ള കോടതിവിധി നിലനില്‍ക്കുകയാണെന്നും ഓര്‍ത്തഡോക്‌സ് സഭ പത്രക്കുറിപ്പില്‍ വ്യക്തമാക്കി.

അന്ത്യോക്യാ പാത്രീയര്‍ക്കീസ്‌ കക്ഷി, ഓര്‍ത്തഡോക്‌സ് സഭയ്ക്കെതിരായി നല്‍കിയ കേസിലാണു്‌, അവര്‍ക്കെതിരായ വിധി ഉണ്ടായതു്‌. യാക്കോബായ സുറിയാനി ക്രിസ്ത്യാനി സഭയുടെ പ്രാദേശിക കാതോലിക്കാ ശ്രേഷ്‌ഠ ബസേലിയോസ് തോമസ് പ്രഥമന്‍ ബാവ , മലങ്കര ഓര്‍ത്തഡോക്സ് സഭയുടെ അങ്കമാലി-കൊച്ചി-കണ്ടനാടു് ഭദ്രാസനത്തില്‍പ്പെട്ട ഒരു പള്ളിയിലും പ്രവേശിയ്ക്കരുതെന്നു് ജില്ലാ കോടതിയില്‍ നിന്നുണ്ടായ ഉത്തരവിനെതിരായി ഹൈക്കോടതിയില്‍ കൊടുത്ത അപ്പീലും തള്ളപ്പെട്ടതിനാല്‍ ഒരു പള്ളിയിലും കയറുവാന്‍ അദ്ദേഹത്തിനു് അവകാശമുള്ളതല്ല.

ഈ വിധികളുടെ പശ്‌ചാത്തലത്തില്‍, തൃക്കുന്നത്തു് സെമിനാരിയിലെ ഭരണക്രമീകരണങ്ങളെക്കുറിച്ചു് 2005-ല്‍ മുഖ്യമന്ത്രിയുടെ സാന്നിധ്യത്തില്‍ ഇരുവിഭാഗത്തിന്റെയും പ്രതിനിധികളെ വിളിച്ചുചേര്‍ത്തു് ഉണ്ടാക്കിയിട്ടുള്ള ധാരണയനുസരിച്ചാണു് കാര്യങ്ങള്‍ നടന്നുവന്നിരുന്നതു്‌. മുഖ്യമന്ത്രിയും ഇപ്പോഴത്തെ ജില്ലാ കലക്‌ടറും, ആലുവാ പോലീസ്‌ സൂപ്രണ്ടും ഒപ്പുവച്ചു് രേഖാമൂലം ഉണ്ടാക്കിയിട്ടുള്ള ഉടമ്പടി ലംഘിച്ചാണു് 2007-ല്‍ പെരുന്നാള്‍ ദിവസം യാക്കോബായ സുറിയാനി ക്രിസ്ത്യാനി സഭയുടെ മെത്രാന്മാര്‍ സെമിനാരിയില്‍ അതിക്രമിച്ചുകടന്നതു്.‌ ഇതില്‍ പ്രതിഷേധിച്ചാണു് ഓര്‍ത്തഡോക്‌സ് സഭ തിരുവനന്തപുരത്തു് പ്രതിഷേധപ്രകടനം നടത്തിയതു്‌.
കടന്നുകയറ്റം ഇനി ആവര്‍ത്തിയ്ക്കരുതെന്നു് മാത്രമാണു് ആവശ്യപ്പെടുന്നതെന്നു് ഓര്‍ത്തഡോക്‌സ് സഭ അറിയിച്ചു.തൃക്കുന്നത്തു് സെമിനാരിപ്രശ്നത്തില്‍ നീതി നടപ്പാക്കണമെന്നു് ഓര്‍ത്തഡോക്സ് സഭ സര്‍ക്കാരിനോടും ആവശ്യപ്പെട്ടു.

......

മലങ്കര ഓര്‍ത്തഡോക്സ് സുറിയാനി സഭാക്കേസിലെ (1995-ലെ) സുപ്രീം കോടതിവിധി അംഗീകരിയ്ക്കാത്തവര്‍ 2002 ജൂലയ് ആറാം തീയതി സ്ഥാപിച്ചതാണു് യാക്കോബായ സുറിയാനി ക്രിസ്ത്യാനി സഭ. മലങ്കര ഓര്‍ത്തഡോക്സ് സുറിയാനി സഭയ്ക്കു് മലങ്കര യാക്കോബായ സുറിയാനി സഭയെന്നും പേരുണ്ടായിരുന്നുവെന്നതുകൊണ്ടു് തെറ്റിദ്ധാരണയ്ക്കിടയുള്ളതിനാലാണു് വിമതസഭയെ യാക്കോബായ സുറിയാനി ക്രിസ്ത്യാനി സഭയെന്ന പൂര്‍ണ്ണ രൂപത്തില്‍ പരാമര്‍ശിയ്ക്കുന്നതു്.

പരിശുദ്ധ ബസേലിയോസ്‌ മാര്‍ത്തോമാ ദിതിമോസ് പ്രഥമന്‍


114-ആമത്തെ പൗരസ്ത്യ കാതോലിക്കോസ്


ഓര്‍ത്തഡോക്സ് പൗരസ്ത്യ സഭയുടെ പരമാചാര്യനായ(സുപ്രീം പോന്തിഫ്) പൗരസ്ത്യ കാതോലിക്കോസും ഓര്‍ത്തഡോക്സ് പൗരസ്ത്യ സഭയുടെ ഭാഗമായ മലങ്കര സഭയുടെ മഹാപ്രധാനാചാര്യനായ മലങ്കര മെത്രാപ്പോലീത്തയുമാണു് പരിശുദ്ധ ബസേലിയോസ്‌ മാര്‍ത്തോമാ ദിതിമോസ് പ്രഥമന്‍ ബാവ. പൗരസ്ത്യ കാതോലിക്കോസ് എന്ന നിലയില്‍ അദ്ദേഹം ഓറിയന്റല്‍ ഓര്‍ത്തഡോക്സ് സഭയുടെ പരമ പാത്രിയര്‍ക്കീസു്മാരില്‍ ഒരാളാണു്.

മുന്‍ഗാമിയായ പരിശുദ്ധ ബസേലിയോസ്‌ മാര്‍ത്തോമാ മാത്യൂസ് ദ്വിതീയന്‍ സ്ഥാനത്യാഗം ചെയ്തതിനെ തുടര്‍ന്നു് 2005 ഒക്ടോബര്‍ 29-ആം തീയതി അദ്ദേഹം മലങ്കര മെത്രാപ്പോലീത്താസ്ഥാനം ഏറ്റെടുക്കുകയും 31-ആം തീയതി ബസേലിയോസ്‌ മാര്‍ത്തോമാ ദിതിമോസ് പ്രഥമന്‍ എന്ന പേരില്‍ പൗരസ്ത്യ കാതോലിക്കോസായി വാഴിയ്ക്കപ്പെടുകയും ചെയ്തു. തോമസ് മാര്‍ തീമോത്തിയോസ് എന്ന നാമധേയത്തില്‍ 1966 മുതല്‍ മലബാര്‍ ഭദ്രാസന മെത്രാപ്പോലീത്തയായിരുന്ന അദ്ദേഹത്തെ 1992 സെ 10-ആം തീയതി കൂടിയ മലങ്കര സുറിയാനി ക്രിസ്ത്യാനി അസോസിയേഷനായിരുന്നു പരിശുദ്ധ ബസേലിയോസ്‌ മാര്‍ത്തോമാ മാത്യൂസ് ദ്വിതീയന്റെ പിന്‍ഗാമിയായി പൗരസ്ത്യ കാതോലിക്കോസിന്റെയും മലങ്കര മെത്രാപ്പോലീത്തയുടെയും സ്ഥാനത്തേയ്ക്കു് തെരഞ്ഞെടുത്തതു്.


1921-ഒക്ടോ 29-ആം തീയതി കേരളത്തിലെ മാവേലിക്കരയില്‍ ജനിച്ച അദ്ദേഹത്തിനു് മാതാപിതാക്കളിട്ട പേരു് സി റ്റി തോമസ് എന്നായിരുന്നു.


തോമാ ശ്ലീഹാതൊട്ടുള്ള 114-ആമത്തെ പൗരസ്ത്യ കാതോലിക്കോസും മലങ്കര സഭയുടെ ജാതിയ്ക്കു് കര്‍ത്തവ്യനായ പൊതുഭാര ശുശ്രൂഷകന്റെ(അര്‍ക്കദിയാക്കോന്‍) തുടര്‍ച്ചയായ 20-ആമത്തെ മലങ്കര മെത്രാപ്പോലീത്തയുമാണു് ഈ പരിശുദ്ധ ബാവ.

മാര്‍ സേവേറിയോസ് മൂശ ഗോര്‍ഗുന്‍ യൂറോപ്യന്‍ സുറിയാനി ഓര്‍ത്തഡോക്സ് സഭയുടെ മെത്രാപ്പോലീത്ത



പാമ്പാക്കുട: യൂറോപ്യന്‍ സുറിയാനി ഓര്‍ത്തഡോക്സ് വിശ്വാസികള്‍‍‍ പൌരസ്ത്യ (മലങ്കര) ഓര്‍ത്തഡോക്സ് സുറിയാനി സഭയോടു് അപേക്ഷിച്ചതു് പ്രകാരം സ്വയംഭരണാവകാശമുള്ള സുറിയാനി ഓര്‍ത്തഡോക്സ് യൂറോപ്യന്‍ ആര്‍ച്ച് ഡയോസിസിന്റെ മെത്രാപ്പോലീത്തയായി ജര്‍‍മനിയിലെ മോശ ഗോര്‍ഗുന്‍ റമ്പാനെ മാര്‍ സേവേറിയോസ് മോശ ഗോര്‍ഗുന്‍ എന്ന പേരില്‍‍ അഭിഷേകം ചെയ്തു് നിയമനപത്രം നല്കിയയച്ചു . തിരികെ ജര്‍മനിയിലെത്തിയ മാര്‍ സേവേറിയോസ് മോശ ഗോര്‍ഗുന്‍ മെത്രാപ്പോലീത്ത സ്ഥാനത്തിനടുത്ത ശുശ്രൂഷകള്‍ നിര്‍വഹിച്ചുകൊണ്ടിരിയ്ക്കുകയാണു് എന്നു് സഭാവൃത്തങ്ങള്‍ അറിയിച്ചു.

പൌരസ്ത്യ ഓര്‍ത്തഡോക്സ് സുറിയാനി സഭയുടെ മെത്രാപ്പോലീത്തമാരായ കണ്ടനാടു് -കിഴക്കിന്റെ ഡോ.തോമസ് മാര്‍ അത്താനാസിയോസിന്റെയും തൃശൂരിന്റെ യൂഹാനോന്‍ മാര്‍ മിലിത്തോസിന്റെയും മുഖ്യ കാര്‍മികത്വത്തില്‍ റമ്പാന്മാരുടെയും കശീശ്ശമാരുടെയുംസഹകരണത്തോടെ 2007 നവംബര്‍ 21 ബുധനാഴ്ച തശ്ശൂര്‍‍ഭദ്രാസന ആസ്ഥാന അരമനപ്പള്ളിയില്‍ വച്ചാണു് അഭിഷേക ശുശ്രൂഷ നടന്നതു്. കഴിഞ്ഞ ഓഗസ്റ്റില്‍ ചേര്‍ന്ന പൌരസ്ത്യ ഓര്‍ത്തഡോക്സ് സുറിയാനി സഭയുടെ എപ്പിസ്കോപ്പല്‍ സുന്നഹദോസാണു് യൂറോപ്യന്‍ സുറിയാനി ഓര്‍ത്തഡോക്സ് വിശ്വാസികള്‍‍‍ക്കു് മെത്രാപ്പോലീത്തയെ വാഴിച്ചു് നല്കാനുള്ള

തീരുമാനമെടുത്തതു്. ഇതു് നടപ്പിലാക്കുന്നതിനായി മെത്രാപ്പോലീത്തമാരുടെ അഞ്ചംഗ ഉപസമിമിതിയെ നിശ്ചയിയ്ക്കുകയും ചെയ്തു. അഞ്ചംഗ ഉപസമിമിതിയിലെ മറ്റ് അംഗങ്ങള്‍‍ക്കു് വ്യത്യസ്ഥങ്ങളായ കാരണങ്ങള്‍‍ കൊണ്ടു് മെത്രാഭിഷേകശുശ്രൂഷയില്‍ പങ്കെടുക്കാന്‍‍‍ കഴിഞ്ഞില്ല. സ്വയംഭരണാവകാശമുള്ള സുറിയാനി ഓര്‍ത്തഡോക്സ് യൂറോപ്യന്‍ ആര്‍ച്ച് ഡയോസിസ് അംഗീകരിച്ചു് മെത്രാപ്പോലീത്തയെ വാഴിച്ചതിനെ 2007 ഡിസംബര്‍‍ 6-നു് ചേര്‍ന്ന എപ്പിസ്കോപ്പല്‍‍ സുന്നഹദോസ് ശരിവച്ചു.


തുര്‍ക്കി, ഇറാക്കു് എന്നിവിടങ്ങളില്‍ നിന്നും കുടിയേറിയ യൂറോപ്പിലെ അസ്സീറിയരും അറബികളുമായ ചിതറിക്കഴിയുന്ന സുറിയാനി ഓര്‍ത്തഡോക്സ് വിശ്വാസികള്‍‍‍ക്കു്വേണ്ടിയുള്ള പ്രേഷിത ഇടവകയാണീ സ്വതന്ത്ര ഭദ്രാസനം.

മലങ്കര ഓര്‍ത്തഡോക്സ് സുറിയാനി സഭയുടെ അപ്പോസ്തലിക ദൌത്യ നിര്‍‍വഹണത്തിന്റെ ഭാഗമായാണു് സഹോദരീസഭയ്ക്കുവേണ്ടി ഈ മെത്രാഭിഷേക ശുശ്രൂഷനടത്തിയതെന്നു് കണ്ടനാടു് (കിഴക്കു് ) ഭദ്രാസന ചാന്‍‍സലര്‍‍ അബ്രാഹം കാരാമേല്‍‍‍ കത്തനാര്‍‍ വിശദീകരിച്ചു.




പുഞ്ചക്കര ജോസഫും കണ്ണായിക്കാട്ടു് ബാബുവും വടകരപ്പള്ളി കൈക്കാരന്മാര്‍

വടകര: മലങ്കര ഓര്‍ത്തഡോക്സു് സുറിയാനി സഭയുടെ കണ്ടനാടു്-ഈസ്റ്റു് ഭദ്രാസനത്തിന്‍റെ കീഴില്‍‍പെട്ട വടകര സെന്‍റ് ജോണ്‍സ് ഓര്‍ത്തഡോക്സു് സുറിയാനി പള്ളി ഇടവകയുടെ കൈക്കാരന്‍മാരായി പി എം ജോസഫ്(പുഞ്ചക്കര) ബാബുതോമസ്(കണ്ണായിക്കാട്ടു്)എന്നിവരെയും സെക്രട്ടറിയായി എം സി ജോയി മുകളത്തു് പുത്തന്‍പുരയെയും ഭരണ സമിതിയംഗങ്ങളായി പതിനഞ്ചു് പേരെയും തെരഞ്ഞെടുത്തു.

റ്റി യു മത്തായി , റ്റി ജെ പോള്‍ ‍, സി ജെ ജോണ്‍, റ്റി എ ബാബു, സിജു ഏലിയാസ്, സാജു ജോര്‍ജ് , സാബു ജോണ്‍, കെ എ ചെറിയാന്‍, പിഎം ജോര്‍ജ്, രാജു എന്‍ ജേക്കബ്, കെ വി യോഹന്നാന്‍,ബേബി മര്‍ക്കോസ്, പി റ്റി ജോയി, അവരാച്ചന്‍ മറ്റത്തില്‍, ജോണ്‍ വറുഗീസ്എന്നിവരാണു് ഭരണ സമിതിയംഗങ്ങള്‍.

നവംബര്‍ 25 ഞായറാഴ്ചയും ഡിസംബര്‍ 2 ഞായറാഴ്ചയും പരസ്യപ്പെടുത്തിയിരുന്നതു് പ്രകാരം ഡിസംബര്‍ 2 ഞായറാഴ്ച ഉച്ചകഴിഞ്ഞു് വടകര പള്ളിയങ്കണത്തില്‍ വികാരി ഫാ. പി സി ജോയി കടുകുംമാക്കിലിന്റെ അദ്ധ്യക്ഷതയില്‍ മലങ്കര ഓര്‍ത്തഡോക്സു് സുറിയാനി സഭാഭരണഘടനയനുസരിച്ചു്കൂടിയ ഇടവക യോഗമാണു് ഭരണസമിതി തെരഞ്ഞെടുപ്പു് നടത്തിയതു്. നമസ്കാരത്തിനു് ശേഷം പരേതനായമുന്‍‍കൈക്കാരന്‍ അബ്രാഹം മത്തച്ചനു് ആദരാഞ്ജലികളര്‍പ്പിച്ചുകൊണ്ടാണു് ഇടവകയോഗം തുടങ്ങിയതു്. സഹവൈദീകരായ ഫാ.മാത്യു അബ്രാഹം, ഫാ.ജോണ്‍ വി ജോണ്‍ എന്നിവരും സന്നിഹിതരായിരുന്നു.

പകര്‍പ്പനുമതി വിവരം

പകര്‍പ്പകാശ വിവരം പ്രത്യേകം പരാമര്‍‍ശിയ്ക്കാത്തവ പകര്‍പ്പവകാശനുമതിയുള്ളതായിരിയ്ക്കും. അവ എടുത്തു് പ്രസിദ്ധീകരിയ്ക്കുമ്പോള്‍ ഈ ഉറവിടത്തെ ഉദ്ധരിയ്ക്കേണ്ടതാണു്.