പിറവം, 2010 ജനുവരി 10: മാമ്മലശ്ശേരി മാര്‍ മിഖായേല്‍ പള്ളിയില്‍ പരിശുദ്ധ കാതോലിക്ക ബാവയ്ക്കും മെത്രാപ്പോലീത്തമാര്‍ക്കും മാമ്മലശ്ശേരിയില്‍ സ്വീകരണം നല്‍കി. പള്ളിത്താഴത്തു കൂടിയ യോഗം പരിശുദ്ധ കാതോലിക്ക ബാവാ ബസേലിയോസ് മാര്‍ത്തോമ ദിദിമോസ് പ്രഥമന്‍ ഉദ്ഘാടനം ചെയ്തു.മാര്‍ മിഖായേല്‍ ചാരിറ്റബിള്‍ ട്രസ്റ്റ് നിര്‍ധനര്‍ക്ക് നല്‍കുന്ന സഹായധനം ബാവ വിതരണംചെയ്തു. യോഗത്തില്‍ കണ്ടനാട് ഈസ്റ്റ് മെത്രാപ്പോലീത്ത അഭി. ഡോ. തോമസ് മാര്‍ അത്തനാസിയോസ് അധ്യക്ഷനായി.
ഓര്‍ത്തഡോക്‌സ് ക്രൈസ്തവ യുവജനപ്രസ്ഥാനം പ്രസിഡണ്ട്‌ അഭി. യൂഹാനോന്‍ മാര്‍ പോളികാര്‍പ്പസ് മെത്രാപ്പോലീത്ത, ജില്ലാ പഞ്ചായത്ത് വൈസ് പ്രസിഡന്റ് അഡ്വ. കെ.എന്‍. സുഗതന്‍, തോമസ് പോള്‍ റമ്പാന്‍, വന്ദ്യ ഗീവര്‍ഗീസ് റമ്പാന്‍, വെരി. റവ. ജോണ്‍ ചിറക്കടക്കുന്നേല്‍ കോറെപ്പിസേ്കാപ്പ, ഫാ. ജോര്‍ജ് വേമ്പനാട്ട്, ഫാ. ഏലിയാസ് ചെറുകാട്ട് എന്നിവര്‍ പ്രസംഗിച്ചു.
0 അഭിപ്രായപ്രകടനം ഇവിടെ:
അഭിപ്രായം എഴുതൂ
Note: only a member of this blog may post a comment.