.
മൂവാറ്റുപുഴ: കണ്ടനാട്‌ ഈസ്‌റ്റ്‌ ഭദ്രാസന ദിനവും കുടുംബസംഗമവും ഫെബ്രുവരി 21ന്‌ 4 മണിയ്ക്കു് കോലഞ്ചേരിയില്‍ നടത്തുവാന്‍ തീരുമാനിച്ചുകൊണ്ടു് ഭദ്രാസനാധിപന്‍ ഡോ. തോമസ്‌ മാര്‍ അത്താനാസിയോസ്‌ മെത്രാപ്പൊലീത്ത കല്പന നല്കി.
കോലഞ്ചേരിയില്‍ മുറിമറ്റത്തില്‍ മാര്‍ ബസേലിയോസ്‌ പൗലോസ്‌ പ്രഥമന്‍ നഗറില്‍ (സെന്റ്‌ പീറ്റേഴ്‌സ്‌ കോളജ്‌ ഇന്‍ഡോര്‍ സ്‌റ്റേഡിയം) ഫെബ്രുവരി 21-ന്‌ നടക്കുന്ന ഭദ്രാസന ദിനാഘോഷത്തില്‍ പൗരസ്ത്യ കാതോലിക്കോസ് പരിശുദ്ധ ബസേലിയോസ്‌ മാര്‍ത്തോമ്മാ ദിദിമോസ്‌ പ്രഥമന്‍ ബാവായും ശ്രേഷ്‌ഠ നിയുക്‌ത കാതോലിക്കാ പൗലോസ്‌ മാര്‍ മിലിത്തിയോസ്‌ മെത്രാപ്പൊലീത്തയും മറ്റു മെത്രാപ്പൊലീത്തമാരുമെല്ലാം പങ്കെടുക്കും. ഫെബ്രുവരി 21 ഞായറാഴ്ച വൈകിട്ടു് 4 മണി മുതല്‍ 8 മണി വരെ പ്രാര്‍ത്ഥനാസന്ധ്യയായാണു് ഭദ്രാസന ദിനാചരണവും കുടുംബസംഗമവും സംഘടിപ്പിക്കുന്നതു്. നിങ്ങള്‍ ഇവയ്ക്കു് സാക്ഷികളാണു് (വിശുദ്ധ ലൂക്കോസ് 24: 28) എന്ന മുഖ്യ ചിന്തയുടെ അടിസ്ഥാനത്തിലുള്ള പ്രാര്‍ത്ഥനകളും പ്രബോധനങ്ങളുമാണു് ഈ പ്രാര്‍ത്ഥനാസന്ധ്യയില്‍ ക്രമീകരിച്ചിട്ടുള്ളതെന്നു് കണ്ടനാട്‌ ഈസ്‌റ്റ്‌ ഭദ്രാസന ചാന്‍സലര്‍ അബ്രാഹം കാരാമേല്‍ അറിയിച്ചു.
പരിപാടികളുടെ നടത്തിപ്പിനായി ഡോ. തോമസ്‌ മാര്‍ അത്താനാസിയോസ്‌ ചെയര്‍മാനും, ഭദ്രാസന ചാന്‍സലര്‍ ഫാ. ഏബ്രഹാം കാരാമേല്‍ ഫാ. ബിനോയ്‌ ജോണ്‍ എന്നിവര്‍ ജനറല്‍ കണ്‍വീനര്‍മാരുമായി കമ്മിറ്റി പ്രവര്‍ത്തനം ആരംഭിച്ചിട്ടുണ്ടു്.
കണ്ടനാടു് ഭദ്രാസന ചരിത്രം
ഡോ. തോമസ്‌ മാര്‍ അത്താനാസിയോസ്‌ മെത്രാപ്പൊലീത്തയെപ്പറ്റി
.
0 അഭിപ്രായപ്രകടനം ഇവിടെ:
അഭിപ്രായം എഴുതൂ
Note: only a member of this blog may post a comment.