ഈ ലേഖയില്‍‍ തിരയുക

കണ്ടനാട് ഈസ്റ്റ് ഭദ്രാസന ദിനാഘോഷം കോലഞ്ചേരിയില്‍ ഫെ 21 ഞായറാഴ്ച

.
കോലഞ്ചേരി: കണ്ടനാട് ഈസ്റ്റ് ഭദ്രാസന ദിനാഘോഷം ഫെ 21 ഞായറാഴ്ച കോലഞ്ചേരി സെന്റ് പീറ്റേഴ്‌സ് കോളേജ് ഇന്‍ഡോര്‍ സ്റ്റേഡിയത്തില്‍ നടത്തും. വൈകിട്ട് 4ന് പ്രാര്‍ത്ഥനാസംഗമം എന്ന പേരില്‍ പരിപാടികള്‍ ആരംഭിക്കും. 51 പേരടങ്ങുന്ന ഗായകസംഘവും സണ്‍ഡേസ്‌കൂള്‍ വിദ്യാര്‍ഥികളുടെ കലാപരിപാടികളും ഉണ്ടാകും.

മലങ്കര ഓര്‍ത്തഡോക്‌സ് സഭാ മേലധ്യക്ഷന്‍ പരിശുദ്ധ ബസ്സേലിയോസ് മാര്‍ത്തോമ്മ ദിദിമോസ് പ്രഥമന്‍ കാതോലിക്കാബാവയുടെ മുഖ്യകാര്‍മികത്വത്തില്‍ പ്രാര്‍ത്ഥനാചടങ്ങുകള്‍ നടക്കും. മാര്‍ത്തോമ്മ സഭയുടെ വലിയമെത്രാപ്പോലീത്ത ഡോ.ഫിലിപ്പോസ് മാര്‍ ക്രിസോസ്റ്റം മുഖ്യസന്ദേശം നല്‍കും. സഭയുടെ പുതിയ മെത്രാപ്പോലീത്തമാരായി തിരഞ്ഞെടുക്കപ്പെട്ടവര്‍ക്ക് സ്വീകരണവും, ഭദ്രാസന വെബ്‌സൈറ്റ് ഉദ്ഘാടനവും വൈദികഡയറക്ടറി പ്രകാശനവും നടക്കും.

ഫെ 19 നു് പത്രസമ്മേളനത്തില്‍ മൂവാറ്റുപുഴ അരമനയില്‍ നിന്നെത്തിയ തോമസ് പോള്‍ റമ്പാച്ചന്‍, ഗീവര്‍ഗീസ് റമ്പാച്ചന്‍, ഫാ.ബിനോയ് ജോണ്‍, ഫാ.ജോണ്‍ വള്ളിക്കാട്ടില്‍, ഫാ.എബ്രഹാം കാരാമ്മേല്‍, കുര്യാക്കോസ് ചെന്നക്കാടന്‍, ജോയ് മേങ്കോട്ടില്‍ എന്നിവര്‍ സംബന്ധിച്ചു.

0 അഭിപ്രായപ്രകടനം ഇവിടെ:

അഭിപ്രായം എഴുതൂ

പകര്‍പ്പനുമതി വിവരം

പകര്‍പ്പകാശ വിവരം പ്രത്യേകം പരാമര്‍‍ശിയ്ക്കാത്തവ പകര്‍പ്പവകാശനുമതിയുള്ളതായിരിയ്ക്കും. അവ എടുത്തു് പ്രസിദ്ധീകരിയ്ക്കുമ്പോള്‍ ഈ ഉറവിടത്തെ ഉദ്ധരിയ്ക്കേണ്ടതാണു്.