ഈ ലേഖയില്‍‍ തിരയുക

തൃക്കുന്നത്ത്‌ സെമിനാരി കൈയേറ്റശ്രമം ചെറുക്കുമെന്നു് നിയുക്‌ത കാതോലിക്ക

കോട്ടയം, നവംബര്‍ 20: മലങ്കര ഓര്‍ത്തഡോക്‌സ് സുറിയാനി സഭയുടെ ഉടമസ്‌ഥതയിലും കൈവശത്തിലുമിരിക്കുന്ന ആലുവാ തൃക്കുന്നത്ത്‌ സെമിനാരിയും പള്ളിയും കൈയേറാനുള്ള ഏതുശ്രമവും കോടതികളോടുള്ള അവഹേളനമായും നിയമവ്യവസ്‌ഥയോടുള്ള വെല്ലുവിളിയായും കരുതണമെന്നും അനധികൃത കൈയേറ്റത്തെ ചെറുത്ത്‌ തോല്‍പ്പിക്കുവാനുള്ള കരുത്ത്‌ മലങ്കര സഭയ്‌ക്കുണ്ടെന്നും ശ്രേഷ്‌ഠ നിയുക്‌ത പൗരസ്ത്യ കാതോലിക്ക പൗലോസ്‌ മാര്‍ മിലിത്തിയോസ്‌ 2008 നവംബര്‍ 20-നു് പ്രഖ്യാപിച്ചു.

സുപ്രീംകോടതി നിര്‍ദ്ദേശമനുസരിച്ച്‌ പാത്രിയര്‍‍ക്കീസ് വിഭാഗംകൂടി അംഗീകരിച്ച്‌ ജസ്‌റ്റിസ്‌ മളീമഠ്‌ നിരീക്ഷകനായി നടത്തിയ 2002 മാര്‍ച്ച്‌ 20-ലെ മലങ്കര അസോസിയേഷന്‍ ബഹിഷ്‌കരിച്ച്‌ പുതിയ സൊസൈറ്റി രൂപീകരിക്കുകയും പുത്തന്‍കുരിശില്‍ പുതിയ യാക്കോബായ സുറിയാനി ക്രിസ്ത്യാനി സഭ ആരംഭിക്കുകയും ചെയ്‌തതുവഴി സഭയ്‌ക്ക്  ഇതരരായിത്തീര്‍ന്ന വിഘടിത വിഭാഗത്തിന്‌ സഭയുടെ പള്ളികളിന്മേല്‍ ഒരുവിധ അവകാശവുമില്ല. 1934-ലെ ഭരണഘടനപ്രകാരം ഭരിക്കപ്പെടേണ്ട കൊച്ചി, കണ്ടനാട്‌, അങ്കമാലി ഭദ്രാസനങ്ങളിലെ പള്ളികളില്‍ പ്രവേശിക്കരുതെന്ന്‌ പള്ളിക്കോടതിയുടെയും ഹൈക്കോടതിയുടെയും ശാശ്വത നിരോധനം നിരന്തരം ലംഘിക്കുന്ന വ്യക്‌തി (വിമത യാക്കോബായ സുറിയാനി ക്രിസ്ത്യാനി സഭയുടെ പ്രാദേശിക കാതോലിക്ക ശ്രേഷ്‌ഠ ബസേലിയോസ് തോമസ്  ഒന്നാമ‍ന്‍‍‍‍ ), അങ്കമാലി ഭദ്രാസനത്തിന്റെ മെത്രാപ്പോലീത്ത ആണെന്നും തൃക്കുന്നത്ത്‌ സെമിനാരി സ്വന്തമാണെന്നും അവകാശപ്പെടുന്നത്‌ അപ്രസക്‌തമാണെന്നും അദ്ദേഹം വ്യക്തമാക്കി.

0 അഭിപ്രായപ്രകടനം ഇവിടെ:

അഭിപ്രായം എഴുതൂ

Note: only a member of this blog may post a comment.

പകര്‍പ്പനുമതി വിവരം

പകര്‍പ്പകാശ വിവരം പ്രത്യേകം പരാമര്‍‍ശിയ്ക്കാത്തവ പകര്‍പ്പവകാശനുമതിയുള്ളതായിരിയ്ക്കും. അവ എടുത്തു് പ്രസിദ്ധീകരിയ്ക്കുമ്പോള്‍ ഈ ഉറവിടത്തെ ഉദ്ധരിയ്ക്കേണ്ടതാണു്.