ഈ ലേഖയില്‍‍ തിരയുക

ദേവലോകത്ത്‌ സംയുക്‌ത ഓര്‍മപ്പെരുന്നാള്‍ ജനുവരി 2, 3 തീയതികളില്‍


കോട്ടയം: കോട്ടയം ദേവലോകം അരമനചാപ്പലില്‍ കബറടങ്ങിയിരിക്കുന്ന പരിശുദ്ധ ബസേലിയോസ്‌ ഗീവര്‍ഗീസ്‌ ദ്വിതീയന്‍ ബാവായുടെ 49-ാം ഓര്‍മയും പരിശുദ്ധ ബസേലിയോസ്‌ ഔഗേന്‍ പ്രഥമന്‍ ബാവായുടെ 37-ാം ഓര്‍മയും പരിശുദ്ധ ബസേലിയോസ്‌ മാര്‍ത്തോമ്മാ മാത്യൂസ്‌ പ്രഥമന്‍ ബാവായുടെ 16-ാം ഓര്‍മയും സംയുക്‌തമായി ജനുവരി രണ്ട്‌, മൂന്ന്‌ തീയതികളില്‍ ആചരിക്കും.

ബസേലിയോസ്‌ മാര്‍ത്തോമ്മാ ദിദിമോസ്‌ പ്രഥമന്‍ വലിയബാവായും സഭയിലെ മറ്റു മെത്രാപ്പോലീത്താമാരും നേതൃത്വം നല്‍കും.
ക്രിസ്‌മസ്‌ ആചരണത്തിന്റെ ഭാഗമായി ഇന്നു വൈകിട്ട്‌ സണ്‍ഡേ സ്‌കൂള്‍ ക്രിസ്‌മസ്‌ കരോള്‍ സര്‍വീസില്‍ പ്രഫ. ചെറിയാന്‍ തോമസ്‌ പ്രസംഗിക്കും. 25-നു മൂന്നിനു ക്രിസ്‌മസ്‌ ശുശ്രൂഷയും തുടര്‍ന്ന്‌ 5.30-നു വി. കുര്‍ബാനയ്‌ക്കു ശേഷം പെരുന്നാള്‍ കൊടിയേറ്റ്‌. 31-നു രാവിലെ ഏഴിനു ഫാ. മാത്യു വറുഗീസ്‌ കുര്‍ബാന അര്‍പ്പിക്കും. 6.30-നു ഫാ. വര്‍ഗീസ്‌ ലാല്‍ പ്രസംഗിക്കും.

ജനുവരി ഒന്നിനു രാവിലെ ഏഴിനു ഫാ. ഡോ. കെ.എം. ജോര്‍ജ്‌ വി. കുര്‍ബാന അര്‍പ്പിക്കും. രണ്ടിനു രാവിലെ 7.30-നു ഫാ. കെ. മത്തായി കോര്‍ എപ്പിസ്‌കോപ്പ വി. കുര്‍ബാന അര്‍പ്പിക്കും. വൈകിട്ട്‌ 5.30-നു കുറിച്ചിയില്‍നിന്നുള്ള തീര്‍ഥാടകര്‍ക്കു കോടിമത പടിഞ്ഞാറേക്കര ഓഫീസ്‌ അങ്കണത്തില്‍ സ്വീകരണവും 6.25-നു മാര്‍ ഏലിയാ കത്തീഡ്രലില്‍നിന്നു ദേവലോകത്തേക്കു പ്രദക്ഷിണവും നടക്കും. 7.45-നു ഫാ. ഡോ. റെജി മാത്യു അനുസ്‌മരണപ്രസംഗം നടത്തും. മൂന്നിനു രാവിലെ എട്ടിനു കാതോലിക്കാബാവായുടെ പ്രധാന കാര്‍മികത്വത്തില്‍ വി. മൂന്നിന്മേല്‍ കുര്‍ബാന, പ്രദക്ഷിണം, ആശീര്‍വാദം, നേര്‍ച്ച വിളമ്പ്‌, പ്രഭാതഭക്ഷണം എന്നിവ നടക്കും.

0 അഭിപ്രായപ്രകടനം ഇവിടെ:

അഭിപ്രായം എഴുതൂ

പകര്‍പ്പനുമതി വിവരം

പകര്‍പ്പകാശ വിവരം പ്രത്യേകം പരാമര്‍‍ശിയ്ക്കാത്തവ പകര്‍പ്പവകാശനുമതിയുള്ളതായിരിയ്ക്കും. അവ എടുത്തു് പ്രസിദ്ധീകരിയ്ക്കുമ്പോള്‍ ഈ ഉറവിടത്തെ ഉദ്ധരിയ്ക്കേണ്ടതാണു്.